পৰিৱেশৰ ওপৰত Covid-19 Lockdown ৰ ধনাত্মক প্ৰভাৱ

পৰিৱেশৰ ওপৰত Covid-19 Lockdown ৰ ধনাত্মক প্ৰভাৱ

 

                 সমগ্ৰ বিশ্বই এতিয়া Covid-19 অৰ্থাৎ কৰোনা ভাইৰাছ মহামাৰীৰ লগত যুঁজি আছে । বিশ্বৰ সৰ্ববৃহৎ অৰ্থব্যৱস্থাৰ দেশ আমেৰিকাৰ পৰা সৰ্ববৃহৎ লোকতান্ত্রিক দেশ ভাৰততো এই মহামাৰীয়ে ভয়াবহ আতংকৰ সৃষ্টি কৰিছে । এনেকুৱা দুৰ্গম সময়ত কাৰোনাৰ পৰা পৰিত্ৰাণ পাবলৈ ৰাষ্ট্ৰীয় ভাবে Lockdown ৰ বাহিৰে অন্য ব্যৱস্থা নাই । কিন্তু Lockdown এ মহামাৰীৰ চূড়ান্ত সমাধান নহয় । Lockdown ৰ ফলত দেশৰ উদ্যোগ, পৰিবহন ব্যৱস্থাৰ দৰে প্ৰায় আটাইবিলাক আৰ্থিক ব্যৱস্থা আচল হৈ আছে । এফালে যত দেশৰ অৰ্থনীতিৰ ওপৰত ঋণাত্মক প্ৰভাৱ পৰিছে আনফালে এই মহামাৰীৰ সময়ত পৰিৱেশৰ ওপৰত ধনাত্মক প্ৰভাৱ দেখা গৈছে ।

            

             বিশ্ব স্বাস্থ্য সংস্থাৰ পৰীক্ষাৰ পৰা গম পোৱা গৈছে যে যেতিয়া বায়ু মণ্ডলত নাইট্ৰজেন ডাই অক্সাইড (NO2) ৰ পৰিমাণ 200 microgram/cubic meter ত কৈ বেছি হৈ তেতিয়া ইয়ে মানুহৰ শ্বাসনলীত প্ৰভাৱ পেলাই আৰু ফলত আস্থামা (asthma) ৰ দৰে ৰোগ সমূহ বাঢ়ি যায় । এতিয়া এই প্ৰায় এমহীয়া lockdown ৰ বাবে বায়ুত NO2 ৰ পৰিমাণ ভালেখিনি কমি গৈছে । ইয়াৰ ফলত শ্বাসৰ লগত জড়িত ৰোগীৰ পৰিমাণ নিশ্চিত ভাবে কম হোৱা দেখা গৈছে ।

            

           PM 2.5 হৈছে বায়ুৰ আটাইতকৈ প্ৰদূষিত অৱস্থা । এই অৱস্থাত মানুহৰ বহুতো শ্বাস জানিত বেমাৰ, হাৰ্ট এটেক, কমবয়সতে মৃত্যুৰ দৰে ভয়ানক ৰোগ সমূহ হোৱা দেখা যায় । WHO ৰ মতে সমগ্ৰ বিশ্বত প্ৰত্যেক বছৰত প্রায় চাৰি মিলিয়ন (4M) মানুহৰ মৃত্যু হয় । কিন্তু এই lockdown ৰ সময়ত PM 2.5 ৰ প্ৰভাৱ ভালেখিনি কমি গৈছে । এক পৰীক্ষাৰ পৰা গম পোৱা গৈছে যে এই lockdown ৰ সময়ত কেৱল চীন দেশতেই 77 হাজাৰ মানুহ ইয়াৰ প্ৰভাৱৰ পৰা বাছি গৈছে ।

              

                 পৰিৱেশৰ কথা কওঁতে এটা উল্লেখনীয় বিষয় হল জলবায়ু পৰিৱৰ্তন (Climate Change ) । গোটেই বিশ্বই কাৰোনা ৰ সমানে জলবায়ু পৰিবৰ্তনৰ লগতো যুঁজি আহিছে । জলবায়ু পৰিবৰ্তনৰ মূল কাৰক হল কাৰ্বন ডাই অক্সাইড (CO2) ৰ পৰিমাণ বৃদ্ধি । কাৰ্বন ডাই অক্সাইডৰ পৰিমাণ বৃদ্ধিৰ মূল কাৰণ হল জৈৱিক ইন্ধনৰ ব্যৱহাৰ বৃদ্ধি । Lockdown ৰ কাৰণে দেশত যানবাহন, উদ্যোগ, শক্তি উৎপাদন কেন্দ্ৰ সমূহত এই ইন্ধনৰ ব্যৱহাৰৰ পৰিমাণ কমি গৈছে । ফলত বায়ু মণ্ডলত CO2 ৰ পৰিমাণ কমি গৈছে ।

           

              ইয়াৰ ওপৰিও দেশত উদ্যোগ সমূহ বন্ধ হৈ আছে বাবে ইয়াৰ উদ্যোগিক আৱৰ্জনা সমূহৰ ৰ পৰিমাণ কমি গৈছে । ফলত নদ-নদী সমূহ পৰিষ্কাৰ দেখা গৈছে আৰু জলচৰ জীৱ সমূহৰ লগতে আন বন্য জীৱ জন্তু বিলাকৰ ওপৰত ভাল প্ৰভাৱ দেখা গৈছে ।

               
                  এনেকুৱা lockdown বহুদিন অটুট ৰখা প্ৰায় অসম্ভৱ । কাৰণ এয়ে অৰ্থনীতিত হেঙাৰৰ সৃষ্টি কৰে । মানুহৰ জীৱন যাপন আৰু বিকাশৰ কাৰণে অৰ্থনীতিৰ বিকাশ অত্যন্তই প্ৰয়োজনীয় । কিন্তু মানুহৰ জীৱন যাপন আৰু বিকাশ তেতিয়াহে সম্ভৱ যত সুস্হ শৰীৰেৰে মানুহে জীয়াই থাকিব পাৰে । গতিকে, মই ভাবোঁ দেশত প্ৰত্যেক বছৰে প্ৰায় অতি কমেও একসপ্তাহৰ lockdown ৰ ব্যৱস্থা কৰিলে অৰ্থনীতিৰ লগতে প্ৰাকৃতিক ভাৰসাম্যও ৰক্ষা পৰিব । জনসাধাৰণে বিভিন্ন মাধ্যমৰ যোগেদি চৰকাৰৰ ওপৰত এনেকুৱা ইতিবাচক দিশ সমূহৰ ওপৰত কাৰ্যপন্থা হাতত লবলৈ আহ্বান জানোৱাঁ উচিত ।